by Municipality of Miagao | Nov 30, 2010 | News
Naghataw sa “Hataw” nga ginapatigayon kada Miyerkules kag Biyernes ang mga empleyado sang lokal nga pamunuan sag Miagao.
Ang “Hataw” Fitness Program sang banwa ang ginpatigayon bilang pagsunod sa Civil Service Commission Memorandum Circular No. 14 Series of 2010 kag Administrative Order No. 2010-13 kun sa diin ang mga munisipal nga opisyal kag empleyado ang ginamanduan sa pag-entra sa “Hataw” activities sang Banwa.
Sa iya Memorandum Order No. 2010-46, ginmandu ni Mayor Julieta N. Flores nga ang tanan nga mga empleyado mag-entra sa aerobics/calisthenics ukon work-outs kag sa mga ballgames pareho sang basketball, volleyball, badminton, kag table kag lawn tennis.
Apang, suno kay Mayor Flores, dapat siguraduhon sang mga pumuluyo nga sa ila paghataw, mamintinar ang padayon nga pagserbisyo sa tawo. Ang mga opisina nga nagahatag sang “frontline” nga serbisyo pareho sang Municipal Health Office, Municipal Social Welfare and Development Office, Municipal Agriculture Office, Municipal Treasurer’s Office kag iban pa ang may nabilin nga skeletal force.
Ang “Hataw” nagasugod kada alas quatro sa hapon (4:00PM).
by Municipality of Miagao | Nov 30, 2010 | News
Kasunod sang pagdeklarar sang bilog nga Probinsya sang Iloilo sa idalum sang State of Calamity tungod sang pagduging sang dengue, mas ginpabaskug man sang lokal nga pamunuan ang kampanya sini batuk sa makahalalit nga balatian.
Base sa report sang Municipal Health Office (MHO), ang Miagao may ara nga tres sientos sisenta y siete (367) na ka kaso (as of press time) nga na admit sa Miagao Emergency Clinic halin sang Enero tubtob Setyembre sang sini nga tuig. Sa numero, isa ang patay.
Padayon man ang pagkampanya paagi sa pulong-pulong sa mga mas apektado nga mga barangay kag eskwelahan kag pagpanghatag sang mga leaflets ukon balasahon nga nagahatag impormasyon nahanungod sa balatian. Nagpatigayon man sang rekoreda sa mga kabaranggayan agud mapahibalu kag mapaintindi sa mga pumuluyo ang ila responsibilidad kag sarang mahimo agud malikawan ang pagdamu sang lamok nga nagadala sang balatian.
Ang Dengue H-Fever isa ka makalalaton nga balatian nga halin sa mikrobyo ukon virus nga nagalaton paagi sa kagat sang lamok. Ang lamok nga nagapanglaton sang Dengue H-Fever gintawag nga “Aedes Aegypti” kag “Aedes Albopectus”. Ini nga klase sang lamok naga kagat sa adlaw guid lamang nagakabuhi sa sulod kag palibot sang balay.
Ang mga palatandaan ukon sintomas sang dengue amo ang:
1. Hinali nga pagtaas sang hilanat nga nagadugay sang 2 tubtob 7 ka adlaw;
2. Pagpalanakit sang tutunlan kag kaundan;
3. Sakit sang ulo kag paspalangluya;
4. Pagpalangguros sang panit (rashes);
5. Sakit sang tiyan;
6. Pagguwa sang dugo sa ilong kag baba; kag
7. Pagsuka ukon pagguwa sang maitom nga higku tungod sang pagdugo sang tina-i.
Ang mga pasyente nga ginkitaan sang sini nga mga sintomas ang nagakadapat guid nga magkadto gilayon sa pinakamalapit nga hospital ukon health facility. Sa Miagao, ginhikutar guid ni Mayor Julieta N. Flores nga mahatagan sang libre nga bulong kag matigayon sang libre and laboratory sang mga pasyente nga ginasuspetsahan nga may dengue fever.
Ang dengue mapaiway paagi sa: pagtipon sang mga bagay nga pwede matiniran sang tubig kag paghaboy sang mga ini; pagtinlo kag pagtakop sang mga suludlan sang tubig para indi mabalayan sang lamok; pag-ilis sang tubig sa flower vase adlaw-adlaw; pagtinlo sang masami sang gutter ang balay agud indi matiniran ang tubig, pagpang-utod sang mga hilamon sa palibot sang balay; kag pagtakod sang screen sa pwertahan kag bintana ukon paggamit sang moskitero sa pagtulog.#
by Municipality of Miagao | Nov 30, 2010 | News
Bilang sabat sa nagalala nga sitwasyon sa trapiko sa Miagao, estrikto nga gina-implementar sa karon ang Traffic Ordinance sang Banwa.
Paagi sa Executive Order nga ginpirmahan ni Mayor Julieta N. Flores, nga naga-amendar sang pagpatindug sang Task Force kag pagdala sa mga miyembro sini sanday Vice Mayor Jose Rey Noble kag Hon. Eliezer P. Magallanes bilang vice chairperson, ila maid-id nga gin-tun-an kag ginpatigayon ang mga pag-bag-o sa mga plano sa trapiko sa bilog nga banwa.
Magluwas sa ila, Vice Chairperson man si Hon. Serefin F. Monteclaro nga in-charge sang pagtuon sang traffic sa palibot sang merkado publiko. Si VM Noble ang in-charge sang traffic sa Barangay Tacas kag si Hon. Magallanes naman sa problema sang traffic sa Noble Street (Miagao Central Elementary School). Si P/ Insp Fernand Limbungan, bilang Chief of Police, amo ang Action Officer sang task force.
Agud makuha ang suporta sang mga asosasyon sang tricycle, ginngalanan ni Mayor Flores ang mga presidente sang nagkalain-lain nga assosasyon bilang miyembro sini.
Ang ila mga plano gin-implementar bilang dry-run. Suno kay VM Noble, pagkatapos sang 30 ka adlaw nga dry-run, ila igapafinalize ini agud mangin permanente na nga pagsulundan sang trapiko sang Banwa.
Kadungan sang pagdry-run, ginhinyo man ni Mayor Flores ang mga presidente sang asosasyon sa pagmintinar sang katinlo kag katawhay sang ila terminal. Bilang pagkunsiderar man sang sitwasyon sang banwa nga natungtong sa plateau, si Mayor Flores naghinyo guid sa ila nga buligan ang banwa agud mangin madinalag-on ang plano sini nga mapatawhay ang Miagao.
Sa merkado publiko, ang Legaspi Street nagapabilin nga waiting area sang CITODA, MINOTODA, KDDB, UBITODA, MATODRAS, SEAT-UP KAG BACTITODA. Ang Octaviano Street gintalana bilang parking area sang mga pribado nga salakyan. Ang Nonato Street nagapabilin nga waiting area sang SOMITRODRAS, Igdulaca (Jeep kag tricycle), Lumangan kag Igbugo. Ang mga dalagku nga salakyan (trucks) ginpahamtang sa dalan pakadto sa public cemetery (sa atubangan sang Slaughterhouse).
Ang Peñaranda Street nagapabilin nga parking area sang UBITODA kag CITODA. Ang Orbe Street naman ang waiting area sang NOMITODA.
Sa Brgy. Tacas, ang Tajanlangit Street nagapabilin nga waiting area sang SOMITRODRAS. Ang Quezon Street gintalana bilang waiting area sang BACTITODA kag jeep. Samtang, ang Orbe Street (sa tabuk sang Miagao Church) gintalana naman bilang waiting area sang UBITODA.
Caption: Mga miyembro sang Task Force Traffic nga nagafinalize sang plano sang dalagan sang trapiko sa mga dalanon sa palibot sang merkado publiko.
by _admin | Nov 10, 2010 | News
The Miagao Alliance of Transport Owners Operators and Drivers Association, Inc. took their oath of office as new officers of the transport group in Miagao before Mayor Julieta N. Flores on June 8, 2009.
In her message to the newly inducted officers, Mayor Flores thanked them for choosing her as their inducting officer which is an indication of their trust and cooperation to her administration.
“Together let us build a better community for every Miagaowanons. The progress of the Municipality does not solely depend on the hands of the officials running the government but most especially on the cooperation that the government is getting from its people. I cannot achieve progress alone, I need each and every one of you,” said Mayor Flores.
Mayor Flores also reminded them of their responsibilities as operators, owners and drivers of public conveyances. As operators and owners, they must see to it that their drivers are observant and compliant of the traffic rules and regulations. As drivers, she said, they must observe road safety and do what ever they can to “protect the lives of the people”.
She also assured them that they can count on the administration whenever assistance is needed. Whenever problems arise, they are very much welcome in her office for she is willing to talk things for the interest of all.
The newly inducted officers are:
| President |
Gregorio M. Gaton Jr. |
| Vice President |
William Jamile |
| Secretary |
Leopoldo N. Montalban, Jr. |
| Treasurer |
Vicente Faina |
| Asst. Treasurer |
Nerissa Fagutao |
| Auditor |
Jose Naret |
| Bus. Manager |
Joemar Magbanua |
| PRO |
Alejandro Espirito |
Board of Directors
1. Engr. Bobby Montalban
2. Noli Tunay
3. Vcitor Tejado
4. Raymundo Octaviano
5. Cesar Tumugdan Jr.
6. Ruben Robite
7. Hernanie Cabillon
Adviser: Hon. Eliezer P. Magallanes
by _admin | Nov 10, 2010 | News
Gindala sang mga estudyante sang Kirayan National High School ang medalya sang ila kadalag-an sa Palarong Pambansa nga ginhiwat sa Tarlac sadtong Abril 11- 16, 2010.
Si Ralph Efraem Gesulgon ang nangin gold medalist sa Javelin Throw sa Palarong Pambansa humalin pa sadtong tuig 2008 tubtub sa karon nga tuig 2010. Nangin Bronze medalist man si Gesulgon sa High Jump competition. Samtang, silver medalist naman si Jan Mark Mucho sa Track and Field.
Bilang pagkilala sang ila nangin kadalag-an kag dungog nga gindala sa banwa, ang lokal nga pamunuan naghatag pasidungog sa mga kabataan paagi sa paghatag sang Certificate of Recognition. Ang Certificate ginhatag samtang nagahiwat sang Flag raising Ceremony sang mga empleyado sang Munisipyo sa Municipal Quadrangle sadtong Hulyo 5, 2010.
