by Municipality of Miagao | Dec 3, 2010 | News
Nabalik sa Miagao ang korona sini bilang Excellence in Local Governance Awardee Provincial Level para sa tuig 2009 pagkatapos nga ini ang madeklarar bilang Best Performing Local Government Unit Municipal Category A nga ginpatigayon sang Department of Interior and Local Government (DILG).
Bangud sang sini nga kadalag-an, ang Miagao ang isa sa mga banwa sa Probinsya sang Iloilo nga magacompete sa regional level. Mangin kasumpong sini ang mga best performing LGU sang probinsya sang Aklan, Antique, Capiz kag Negros Occidental. Ang evaluation pagapatigayunon sa indi mahibaluan nga adlaw sang Oktubre sang sini nga tuig.
Magluwas sini, nakuha man sang Miagao ang titulo bilang Excellence in Social Services, kag Excellence in Administrative Governance.
Nag-umpisa sadtong tuig 2008, ang EXCELL Awards isa ka tuigan nga kumpetisyon sang mga Local Government Units nga ginapatigayon sang DILG. Ini nagahandum nga mapasidunggan kag mapakita ang mga pinasahi kag outstanding nga mga hinimuan sang local government as administrative governance, social services, economic development kag environmental management humalin sadtong Enero 2009 tubtub Disyembre sang perho nga tuig.
Ang Provincial Evaluation Team ginbug-usan sang mga evaluators gikan sa mga nagkalain-lain nga ahensya sang gobyerno pareho sang Provincial DILG, Provincial Environment and Natural Resources Office, PSWDO, Department of Education, Provincial Health Office, PNP Provincial Office kag iban pa.
Si Mayor Julieta N. Flores sa iya mensahe nagsiling nga gina-abi-abi guid niya ang mga initiatibo nga pareho sini agud matakus ang ikasarang sang Miagao sa patag sang panghimanwa. Suno sa iya, ang recognition apisar sa provincial level pa guid lamang isa ka patimaan nga ang Miagao ara sa eksakto nga dalan kun panggobyerno ang pagahambalan.
“Ang evaluation isa ka hangkat sa mga opisyales kag empleyado nga magdeliver pa guid sang excellent nga serbisyo sa mga pumuluyo sang Miagao,” ang siling ni Mayor Flores. #
by Municipality of Miagao | Dec 3, 2010 | News
Agud mapasangkad ang ihibalu sang mga miyembro sang rescue group sang Banwa sa tion sang baha kag landslide, ginpatigayon ang Water Search and Rescue (WaSAR) training sa Noble Beach Resort sadtong Oktubre 11 tubtob 15, 2010.
Suno kay Jon Mark Muyong, Municipal Deputized Civil Defense Officer, ang isa ka semana nga training nagtudlo sa mga tagpumalasakop sang mga dapat nga mahibaluan sa water search and rescue pareho sang rope rescue kag rapelling techniques.
“Buot man nga ipafamiliarize sa mga miyembro ang Incident Command System, kalakip ang mobilization procedures sa tion sang rescue,” ang siling ni Muyong.
Kabahin sa mga nagpartisipar sa training amo ang mga miyembro sang bag-o lang gintukod nga Miagao Emergency Rescue Group nga ginapangunahan ni Vice Mayor Jose Rey Noble bilang Chairman kag mga katapu sang Philippine Coast Guard 605.2 Auxiliary (PCGA).
Sa discussions sa training, gintandug sang speakers gikan sa PCGA ang mga topiko pareho sang:Philippine Disaster Management System: An Overview; Intro to Hydro-Geological Hazards; Intro to Incident Command System and Mobilization Procedures; kag Intro for Responding to Flood and Landslides Incidents.
by Municipality of Miagao | Nov 30, 2010 | News
The Municipal Health Office is urging the public to avail themselves of the mass drug administration (MDA) against lymphatic filariasis in the month of September 2010.
Dr. Jessel Cometa-Gellada, Municipal Health Officer said they will administer the drugs albendazole and diethyl carbamizine for the month long MDA. The MDA kicked off on October 4, 2010 with a ceremonial administration of vaccine against the dreaded disease.
Lymphatic filariasis is a severely debilitating and stigmatizing disease caused by microscopic, thread-like worms being transmitted by female mosquitoes.
These worms lodge in the lymphatic system-the network of nodes and vessels that maintain the fluid balance between the tissues and blood-which is an essential
by Municipality of Miagao | Nov 30, 2010 | News
Oldest high school student: Si Mrs. Dolores Rolando, 78, ang ipakatigulang nga estudyante sa high school nga naenroll sa San Rafael National High School bilang first year student sang eskwelahan. Sa iya pagsaysay, handum guid ni Mrs. Rolando nga makatapos sang iya pagtuon apisar sang iya edad. Suno sa iya, nangin timbang siya sa sulod sang balay sang iya man lang himata. Sang sadto nga mga tinion, buot man kuntani ni Mrs. Rolando nga makaeswela apang wala siya gintugutan sang iya tiyo tubtub nga siya nakapamana kag nakaangkon sang kabataan, ang iya oras ginbug-os na guid lamang niya pagpadaku sang iya kabataan nga lunsay na sa karon mga professionals. “Subong, tion naman nga hatagan ko sang katumanan ang akon ambisyon nga makatapos sang akon pagtuon,” sang siling ni Mrs. Rolando.
by Municipality of Miagao | Nov 30, 2010 | News
Ginbuylugan sang bilog nga mga pumuluyo sang Miagao nga ginpasakupan sang simbahan, eskwelahan, barangay kag local nga pamunuan ang ginpatigayon nga province-wide “People Power Day Kontra Dengue” sadtong Setyembre 1, 2010.
Ang isa ka adlaw nga hilikuton nag-umpisa sa takna alas otso sang aga (8:00AM). Sa nasambit nga oras, dululungan nga nag alarm ang siren sang bombero, lingganay sang simbahan kag busina sang jeep bilang hugnat sang pagsugod sang pagpanglimpyo sang tanan.
Sa eskwelahan, ang mga estudyante nga 12 anyos pataas nagbulig man sa pagpanglimyo sang ila sulod kag guwa sang classroom.
Ang tanan nga mga nagbuylog sa programa nagsuksok sang “dengue attire” nga light colored, loose kag long sleeves with pants ukon lilolo attire.
Target sang clean-up activity ang “kaya-kulob, tampok”, madulom nga lugar, kurtina, stagnant nga tubig, suludlan sang tubig kag mositera, gutters kag drainages kag hilamunan kag iban pa nga tanom nga sarang panaguan sang lamok.
Suno kay Mayor Julieta N. Flores, ang clean-up drive dapat himuon nga matag-adlaw nga hilikuton agud matapna ang pagdamu sang lamok.
by Municipality of Miagao | Nov 30, 2010 | News
Gin selebrar sang lokal nga pamunuan kag sang mga nagkalain-lain nga ahensya sang gobyerno ang Nutrition Month sa bulan sang Hulyo bilang pagsunod sa Section 7 sang Presidential Decree No. 491 ukon Nutrition Act of the Philippines nga ginpasar sadtung Hunyo 24, 1974.
Ang selebrasyon sa sini nga tuig naangut sa tema nga: “Sa Pagkaing Tama at Sapat, Wastong Timbang ni Baby ang Katapat!”
Sa Miagao, ang selebrasyon ginhiwat paagi sa lectures angut sa nutrition sa mga nagkalain-lain nga eskwelahan kag day care centers. Ang culminating activity ginpasulod sa Flag Raising Ceremony sang mga empleyado sang Banwa sadtong Hulyo 26, 2010 paagi sa paghatag pasidungog sa mga personalidad nga may importansya sa bahin sa kadalag-an sang Nutrition Program sang Banwa. Ang mga ginhatagan pasidungog amo sanday Nora D. Patricio, District Nutrition Program Coordinator sang Distrito sang Miagao East; Mrs. Sofia T. Nobleza, District Nutrition Program Coordinator sang Distrito sang Miagao West; ang District Offices sang Miagao East kag West; kag si Hon. Patricio N. Fio, Municipal Nutrition Action Officer maghalin sang 2000-2009.
“Nagapasalamat guid kami sang inyo hamili bulig agud mapatuman ang atun programa sa Nutrition sa Banwa. Handum gid sang pamunuan nga malab-ot naton ang aton tinutuyo nga wala sang malnourish sa Miagao,” ang siling ni Mayor Julieta N. Flores.
